٢٤مین لووتکەی عەرەبی و ٥مین لووکتەی گەشەپێدانی عەرەبی لە بەغدای پایتەختی عێراق دەستیپێ کرد.

لووتکەکە بە بەشدارانی سەرکردەکانی وڵاتانی عەرەبی، نوێنەرانی نەتەوە یەکگرتووەکان، یەکێتی عەرەبی، رێکخراوی هاوکاری ئیسلامی و ئەنجومەنی هاوکاری کەنداو و ژمارەیەکی زۆر مێوان لە وڵاتانی عەرەبی و رێکخراوەکانی نێودەوڵەتی بەڕێوەدەچێت.

دانیشتنی یەکەم لە کۆشکی سەرۆکایەتی حکومەت لە بەغدا بەڕێوەچوو. لە سەرەتا نوێنەری پاشایەتی بەحرێن کە سەرۆکایەتی لووتکەکەی دەکرد وتارێکی پێشکەش کرد و دواتر سەرۆکایەتی لووتەکەکەی رادەستی عێراق کرد. دواتر ئەحمەد ئەبوالغەیس سکرتێری گشتی یەکێتی عەرەبی وتاری پێشکەش کرد. دواتر سەرکردەکانی بەشداربوو وتاریان پێشکەش کرد.

لووتکەکە وەک سێ دانیشتین بەڕێوەدەچێت و دواتر کۆتایی دێت و لە کۆتاییدا "راگەیەندراوی بەغدا" لەبارەی هەردوو لووتکە بڵاو دەکرێتەوە.

ئەم لووتکەیە لە کاتێکدا بەڕێوەدەچێت کە چاوەڕوان دەکرێت هەنگاوی کۆنکرێتی بۆ راگرتنی هێرشە جینۆسایدییەکانی رژێمی سەهیۆنی لە غەززە و گەیاندنی یارمەتییە بەپەلەی خۆراک، ئاو، دەرمان و سووتەمەنی بۆ غەززە.

هەروەها ئەم لووتکەیە لە ڕووی دەستەبەرکردنی هەماهەنگی هەڵوێستە سیاسییەکانی نێوان وڵاتانی عەرەبی پێش کۆنفرانسی نێودەوڵەتی کە لە مانگی حوزەیرانی ئەمساڵدا بە هاوبەشی لە لایەن سعودیە و فەرەنسا بەڕێوەدەچێت، گرنگییەکی گەورەی هەیە کە بەدوای چارەسەری کۆتاییدا بۆ پرسی فەلەستین لەسەر بنەمای چارەسەری دوو دەوڵەتی.(İLKHA)